ລົດຫຸ້ມເກາະຍິງລະເບີດຕີນຢາງ ຂອງມາເລເຊຍ ຮຸ້ນ Buraq
ອີງຕາມຂໍ້ມູນຈາກກອງທັບມາເລເຊຍ ລະບຸວ່າ: Buraq 4x4 ເຊິ່ງເປັນລະບົບເຄື່ອງຍິງລູກລະເບີດທີ່ມີຂະໜາດເບົາທີ່ສຸດໃນໂລກ,
ລະບົບເຄື່ອງຍິງລູກລະເບີດຂະໜາດ 120 ມມ ໄດ້ມີຂີດຄວາມສາມາດໃນການຍິງສະໜັບສະໜູນສຳລັບໜ່ວຍປະຕິບັດງານເຄື່ອນທີ່ໄວ
ລະບົບດັ່ງກ່າວ ໄດ້ຮັບການພັດທະນາໃຫ້ຫຼີກລ້ຽງຜົນກະທົບຈາກແຮງທົດຖອຍໃນໄລຍະປະຕິບັດການຍິງ ເຊິ່ງເປັນການແກ້ໄຂບັນຫາປະ
ຕິບັດການທີ່ເກີດກັບລະບົບ. ລະບົບຍິງລູກລະເບີດສ່ວນຫຼາຍໃນປັດຈຸບັນມີຂະໜາດໃຫຍ່ຫຼາຍ ເຊິ່ງມີຄວາມຈຳເປັນໃນການເສີມຄວາມ
ແຂງແກ່ນໃຫ້ລະບົບ ແລະ ຕ້ອງໃຊ້ລົດລາກແກ່ທີ່ມີຂະໜາດໃຫຍ່.
ລະບົບເຄື່ອງຍິງລູກລະເບີດຂະໜາດເບົາ Buraq 4x4 ຖືກພັດທະນາໂດຍບໍລິສັດ New Technologies Global Systems
(NTGS) ຂອງແອັດສະປາຍ ຖືກອອກແບບມາເພື່ອຕິດຕັ້ງໃສ່ລົດແກ່ຖານ ໂດຍບໍ່ຈຳເປັນຕ້ອງໃຊ້ລະບົບຮັບແຮງດັນເພີ່ມຕື່ມ, ພ້ອມທັງມີ
ຄວາມສະດວກໃນການເຄື່ອນທີ່ ແລະ ສາມາດເຄື່ອນທີ່ໄດ້ໄວ, ໃຊ້ງານໄດ້ງ່າຍ. ລະບົບດັ່ງກ່າວມີຂະໜາດທໍ່ຍິງ 81 ມມ ຫຼື 120 ມມ ມີ
ປະສິດທິພາບໃນການຍິງ, ມີລະບົບເລັງດ້ວຍແສງເລເຊີ, ມີລະບົບການຍິງແບບໄຟຟ້າເຮັດໃຫ້ປະຕິບັດການຍິງໄດ້ດ້ວຍຄວາມໄວ ແລະ ມີ
ຄວາມແມ້ນຢຳສູງ.
ແຫຼ່ງທີ່ມາ: ໜັງສືພິມກອງທັບ
ວັນທີ 26/03/2024